Como xa vén sendo habitual desde hai 44 edicións, o mes de abril vén da man do comezo da campaña do Sorteo de Ouro de Cruz Vermella. Trátase dun sorteo solidario que supón unha das maiores fontes de financiamento da Organización Humanitaria e que permite que poida estar onde máis lla necesita.
Baixo o lema ‘Oro parece, Cruz Vermella é’, desde o pasado 25 de abril están á venda os boletos dunha campaña na que se asegura que detrás do “ouro” de Cruz Vermella están a acollida, a alimentación consciente, o benestar enerxético, a compañía, o éxito escolar, o futuro laboral, a igualdade, a sustentabilidade, o socorro ou a protección á muller.
Para esta ocasión, o ilustrador Óscar Alonso, 72Kilos, foi o encargado de poñer imaxe e cor aos boletos a través da súa arte cunha variedade de 10 deseños que representan cada unha das áreas de actuación da Organización Humanitaria.
Ao longo dos próximos meses, a adquisición dos boletos pódese realizar nas asembleas de Cruz Vermella de toda Galicia, ademais de en entidades colaboradoras coa Organización e a través dos vendedores que se atopan en rúa en diferentes cidades e pobos da Comunidade Autónoma. Ademais, están previstas diferentes accións e actividades como andainas, concertos e eventos solidarios, entre outros.
Parece un boleto, pero é moito máis
Do mesmo xeito que o Sorteo de Ouro, o boleto tamén é moito máis do que parece porque con cada un lógrase poñer en marcha unha axuda real ou un proxecto que cambia a vida dunha persoa que o necesita e, por iso, son “ouro”.
E é que, por exemplo, un boleto de 5 euros equivale a caixa de primeiros auxilios de produtos básicos para unha persoa; 3 boletos poden apoiar a unha persoa sen fogar cun kit de abrigo; con 4 boletos, Cruz Vermella imparte un taller para persoas maiores co obxectivo de previr a soidade; e con 10 boletos, provese a unha familia cun kit de produtos para que aforren no seu fogar.
Celebración do Sorteo e premios
Nesta ocasión, Málaga será a cidade anfitrioa da celebración do Sorteo de Ouro de Cruz Vermella o próximo 20 de xullo ás 19:00 horas, o cal tamén será retransmitido a través da web e as redes sociais do Sorteo e de Cruz Vermella Española.
O Sorteo de Ouro reparte máis de 11.700 premios, que superan os 7 millóns de euros en premios, ou o seu contravalor en ouro*. Repártense 3 millóns de euros ao primeiro premio; 1 millón de euros ao segundo premio; 500.000 euros ao terceiro premio; 250.000 euros ao cuarto premio; e 100.000 euros ao quinto premio.
Ademais destes cinco primeiros premios principais, repártense miles de premios aos números coincidentes con diferente serie á premiada, ou os coincidentes nas catro últimas cifras con diferentes contías.
As bases e os números premiados poden consultarse na páxina web do Sorteo de Ouro, no número de teléfono 900 100 014, ou enviando un SMS ** ao número 215757 (palabra ORO, espazo, número do boleto, espazo, número de serie).
(*) Ou o seu contravalor en ouro fixado segundo o peche do Mercado de Metais Preciosos de Londres do día 19 de xullo de 2023. Os premios non son acumulativos e caducan aos 90 días desde a celebración do Sorteo. Poden facerse efectivos en metálico en oficinas de Cruz Vermella e oficinas informatizadas de Correos de toda España, excepto as situadas en grandes almacéns e en ouro en oficinas de Cruz Vermella. Normativa do Sorteo, protección de datos ou calquera outra información en www.cruzroja.es/sorteodeoro.
(**) Custo SMS 0.18 imposto incluídos (Servizo SMS para Cruz Vermella prestado por D-MOBILELAB SPAIN, SA. C/Luca de Tena 1, 3ªplanta, 28027 Madrid, Tel. 900907083
