Síguenos


“Súmate ao reto do emprego” para mellorar a empregabilidade de máis persoas en Galicia

Share on linkedin
Share on twitter
Share on facebook
Share on whatsapp
Share on email

Temos en marcha unha nova iniciativa dirixida ao tecido empresarial galego cuxo lema principal é “Súmate ao reto do emprego”. Trátase dunha campaña dixital que inclúe diferentes accións e cuxo obxectivo é que máis empresas coñezan o noso proxecto Reto Social Empresarial e aposten por colaborar con Cruz Vermella.

 

Desta maneira, axuntando esforzos, conseguiremos mellorar a empregabilidade de máis persoas que se atopan nunha situación de dificultade. Porque o emprego é a mellor oportunidade que teñen moitas persoas para integrase na sociedade.

 

En Cruz Vermella acompañamos ás persoas participantes no Plan de Emprego na procura de oportunidades laborais e facémolo de maneira personalizada, potenciamos as súas fortalezas e as súas competencias. Para levar isto a cabo é fundamental o apoio de empresas que colaboran en accións formativas, con prácticas non laborais ou con ofertas de emprego e bríndanlles a oportunidade de demostrar o seu talento e os seus coñecementos en contornas profesionais.

 

Durante este ano,  en Galicia apoiamos a máis de 4.000 persoas coa colaboración de máis de 800 empresas en Galicia.

 

Reto Social Empresarial forma parte do Programa Operativo de Inclusión Social e Economía Social ( POISES) e conta co financiamento do Fondo Social Europeo e o Ministerio de Traballo e Economía Social.

Share on linkedin
Share on twitter
Share on facebook
Share on whatsapp
Share on email