SOCORROS
Actuamos para que as persoas poidan superar as situacións que poñan en perigo as súas vidas. Dispoñemos das capacidades para facer fronte ás emerxencias de distintos tipos e niveis, en coordinación coas autoridades competentes en cada caso.
Share on linkedin
Share on twitter
Share on facebook
Share on whatsapp
Share on email
Intervención en emerxencias
Facemos fronte ás diferentes situacións de emerxencias (incendios forestais, terremotos, nevadas, inundacións, etc…), colaborando na súa resolución e ofrecendo resposta de forma inmediata e urxente sen esquecer unha formulación de axuda sostida. Contamos con Equipos de Resposta Inmediata en Emerxencias (ERIE) que teñen formación especializada para intervir e capacidade para mobilizarse rapidamente cando son activados por unha emerxencia.
Salvamento marítimo
Protexemos a vida humana no mar e loitamos contra a contaminación mariña, sempre de forma coordinada coa Sociedade Estatal de Salvamento e Seguridade Marítima (SASEMAR) así como co Servizo de Gardacostas da Xunta de Galicia. Participar en accións de adestramento, exercicios, operacións de procura, salvamento e rescate, servizos de asistencia e remolque de embarcacións en perigo e tarefas de apoio en materia de loita contra a contaminación mariña son as nosas actividades.
Servizos preventivos
Realizamos a cobertura de dispositivos de carácter preventivo, especialmente cando se prevé a asistencia de gran cantidade de público como ocorre en eventos deportivos, culturais ou sociais. Poñemos ao dispor dos organizadores a nosa experiencia e capacidade en materia de planificación e desenvolvemento deste tipo de servizos, facendo posible que se cumprimenten adecuadamente os requirimentos legais establecidos polas administracións competentes.
