En Cruz Vermella achegamos o mercado laboral ás persoas que o teñen máis difícil, mellorando a súa empregabilidade a través do reforzo de competencias profesionais, potenciando as súas posibilidades de acceder a un posto de traballo e promovendo a igualdade de oportunidades e trato no emprego. Para iso, contamos con múltiples recursos e establecemos alianzas de diverso tipo co tecido empresarial para promover a responsabilidade social corporativa. A implicación de empresas colaboradoras é clave e permite que as persoas coas que traballamos poidan realizar visitas de orientación, facer prácticas formativas non laborais ou ben obter un contrato.