Cruz Vermella recibe unha importante doazón de UNESPA (Asociación Empresarial do Seguro) que se destinará ao Plan Cruz Vermella Responde para apoiar a persoas afectadas pola pandemia.
Isto foi posible grazas a que un grupo de 107 aseguradoras, coordinadas por UNESPA, lanzaba a finais do mes de xuño ‘Estar preparados’ (Para estar máis seguros), un programa de doazóns dotado con 28 millóns de euros que se desenvolveu no sector asegurador para superar a crise sanitaria e apontoar a recuperación. A través desta iniciativa, o plan Cruz Vermella RESPONDE fronte á COVID-19 recibiu unha doazón de 3,8 millóns de euros en total, que agora se reparten en todo o territorio nacional para chegar ás persoas en situación de vulnerabilidade.
A repartición entre as provincias galegas é o seguinte: A Coruña recibe 82.289 euros, Lugo 15.916, Ourense 53.396 e Pontevedra 73.150. Isto supón que a Galicia destínanse un total de 224.751 euros desta doazón de UNESPA. Este diñeiro vai servir para apoiar catro das seis áreas de intervención de Cruz Vermella: Emprego, Inclusión Social, Saúde e Educación. A relevancia desta alianza reside en facer posible o reforzo do plan Cruz Vermella RESPONDE nesas áreas de coñecemento chegando a todos os territorios.
Na área de Emprego reforzarase a mellora da empregabilidade de persoas desempregadas e apoiaráselles na procura activa de traballo. En Inclusión social vai traballar para reducir a fenda dixital, a pobreza enerxética e para formar en competencias dixitais ás persoas usuarias. Na área de Saúde reforzarase o acompañamento psicosocial con profesionais do servizo ‘Cruz Vermella Escóitache’. En Educación fomentarase a mellora do rendemento académico e tratarase de evitar o fracaso escolar dos nenos e nenas cunha educación integral, que dispoñerán de kits educativos con dispositivos tecnolóxicos e conectividade, así como kits de protección individual fronte ao coronavirus.
Desde o inicio da pandemia Cruz Vermella puxo en marcha o plan Cruz Vermella RESPONDE destinado a toda a poboación vulnerable #ante a COVID-19, trátase dun plan integral de actuación en todas as súas áreas de actividade: Socorros, Saúde, Inclusión Social, Educación, Emprego e Medio, que ata a data, axudou, protexido e coidado a máis de 4.657.831 millóns de persoas en toda España.
A iniciativa que desenvolveu UNESPA constitúe a segunda fase das accións emprendidas polas aseguradoras para combater as consecuencias da pandemia. Previamente e durante un ano, o sector cubriu a máis de 1 millón de traballadores de centros sanitarios e residencias.
