Co obxectivo de dar a coñecer o Plan de Emprego de Cruz Vermella, ademais de promover a igualdade de oportunidades e de trato no mercado laboral, a Organización Humanitaria realizou nas catro provincias galegas unha nova campaña de sensibilización en 2023. Nesta ocasión, e traballando en estreita colaboración coas empresas, realizouse a distribución de 125.000 bolsas de pan de papel para que as panaderías das diferentes localidades puidesen utilizalas para entregar os produtos aos seus clientes. A Coruña, Burela, Ferrol, Lugo, O Barco de Valdeorras, Ourense, Pontevedra, Santiago de Compostela e Vigo foron as cidades nas que se desenvolveu esta campaña de sensibilización cara ao emprego.
Desde o Plan de Emprego trabállase para acompañar no seu camiño cara ao emprego ás persoas que se atopan máis afastadas do mercado laboral. E, para mellorar a súa empregabilidade e que cheguen a ter un posto de traballo, considérase fundamental a implicación do tecido empresarial. Neste sentido, un dos obxectivos desta nova campaña era que máis empresas sumáranse a este reto e se establecesen novas alianzas de colaboración con Cruz Vermella, que permiten aos participantes mellorar a súa empregabilidade a través de visitas de orientación, realización de prácticas formativas non laborais ou cesión de espazos, entre outros. En definitiva, son empresas que dan a oportunidade ás persoas de demostrar o seu talento, motivación e profesionalidade, sen ter en conta estereotipos de orixe, xénero ou idade, entre outros.
“Somos conscientes de que sos non podemos cambiar a contorna, por iso as empresas son un socio fundamental para os nosos proxectos de emprego, xa que son quen na práctica poden ofrecer unha oportunidade de acceso ao mercado laboral para as persoas coas que traballamos” explica Sandra López, responsable autonómica do proxecto “Reto Social Empresarial” de Cruz Vermella.
Esta iniciativa forma parte do proxecto Reto Social Empresarial, do Plan de Emprego de Cruz Vermella, e leva a cabo co financiamento do Ministerio de Traballo e Economía Social, e do Fondo Social Europeo a través do Programa Operativo de Inclusión Social e Economía Social (POISES).
