O 15 de xuño celébrase o Día Mundial da toma de Conciencia do Abuso e Malos tratos na vellez e, desde Cruz Vermella, lánzase unha nova campaña de sensibilización para lembrar que subestimar as capacidades das persoas maiores `tamén é mal trato´. Es que cando dicimos “déixame facelo a min, ti xa non sabes facer nada”, “é mellor que non vaias, coa túa idade mellor quédar na casa”, “non gastes en bobadas, ti xa non necesitas nada novo”, “fas o ridículo botándoche un noivo á túa idade”, ou “papá, mamá, ti ocúpache disto que non tes nada mellor que facer” a unha persoa maior estamos subestimando as súas capacidades, e iso, ‘aínda que non o saibas, tamén é mal trato’.
No marco da conmemoración do 15 de xuño, Cruz Vermella quere lembrar que as persoas maiores son de especial relevancia para a sociedade, achegan experiencia, sabedoría, visión histórica e son o piar e nexo de unión de moitas familias. A pesar diso, son obxecto de discriminación, abuso e mal trato polo feito de ser maiores e, segundo a Organización Mundial da Saúde, 1 de cada 6 persoas sofren algún tipo de mal trato asociados á idade, polo que é un problema de primeira magnitude na sociedade.
O mal trato no só abarca a agresión física, senón que vai desde a neglixencia ou omisión dos coidados que poden sufrir tanto pola súa contorna como por profesionais, ata o abandono, ou a creación dunha imaxe pexorativa que socialmente se ofrece en ocasións deste colectivo, froito do edadismo, as trabas na participación social ou o infantilismo, entre outros.
Cruz Vermella sinala esta problemática invisibilizada para que se actúe de maneira intensa en erradicala, e concienciar sobre que quen o sofre, tamén sofre vergoña por non ter recursos de apoio, senten que son vistos como xeradores de custos sociais e sanitarios en lugar de persoas activas de pleno dereito, e falta información sobre os seus propios dereitos e a súa defensa. Ademais, requírese de maior concienciación aos perpetradores, que mesmo non son conscientes de que subestimando as capacidades das persoas maiores están a maltratalas. Características como a idade avanzada, o sexo feminino, o illamento, a discapacidade ou a situación de dependencia, pertencer a unha minoría étnica, racial ou relixiosa, estar en situación de privación de liberdade entre outros, son factores de risco moi importantes para sufrir malos tratos.
Bo Trato ás persoas maiores: Promoción do trato adecuado e protección fronte o maltrato
A través do proxecto `Bo Trato´, Cruz Vermella traballa para promocionar un trato adecuado ás persoas maiores e protexelas fronte aos malos tratos, salvagardando os seus dereitos e apoiando a quen sofre ou podería sufrir calquera tipo de malos tratos.
Desde 2016, a Organización Humanitaria realiza actividades dirixidas a mellorar a información e toma de conciencia da importancia do problema por parte das propias persoas maiores, a súa promoción e participación no seu proceso de mellora a través de grupos de axuda mutua ou a creación de contidos e a mellora das competencias necesarias para previr ou superar as consecuencias dunha posible situación de abuso, neglixencia ou malos tratos.
Neste sentido, a Organización Humanitaria realizou máis de 14.000 intervencións desde 196 puntos de atención repartidos polo territorio nacional. No caso de Galicia, foron máis de 675 intervencións nos cinco puntos dispoñibles nas catro provincias galegas.
Ademais, Cruz Vermella intervén con homes e mulleres maiores de maneira directa, e co conxunto da sociedade, para cambiar actitudes e condutas edadistas por un contexto favorable ao desenvolvemento do seu potencial e a súa calidade de vida. Máis de 5.000 persoas (512 en Galicia) participaron nestas actuacións en 2022, nas que se contou tamén con aliados naturais do proxecto, como os Corpos e Forzas de Seguridade do Estado ou o IMSERSO, que achegaron información de maneira directa sobre os aspectos para ter en conta para evitar os malos tratos, e tamén sobre como reportalo se fose necesario.
