Síguenos


Cruz Vermella e a Xunta consolidan o programa de atención e acompañamento a persoas sen fogar

Share on linkedin
Share on twitter
Share on facebook
Share on whatsapp
Share on email

“En Cruz Vermella actuamos coas persoas que están nunha situación de vulnerabilidade ou exclusión para mellorar a súa calidade de vida. Contribuímos a que teñan oportunidades e recursos para participar na sociedade de forma igualitaria á vez que tratamos de potenciar a súa autoestima e autonomía”. Así describiu a presidenta autonómica de Cruz Vermella en Galicia, Carmen Colmeiro, o programa no que a entidade colabora coa Consellería de Política Social na atención a persoas sen fogar.

 

Acompañada do director xeral de Inclusión Social, Arturo Parrado, e do delegado territorial da Xunta na Coruña, Gonzalo Trenor, a presidenta de Cruz Vermella agradeceu a disposición da administración pública “nun tempo complicado no que tivemos que aprender a adaptarnos ás circunstancias”. Neste sentido, lembrou a colaboración na xestión e montaxe de albergues e espazos de aloxamento temporal e o “apoio histórico” da Xunta a través do programa da Tarxeta Básica durante a crise sanitaria da covid-19.

 

Durante o último ano, e con motivo do impacto da pandemia, todas as accións vinculadas co ámbito da saúde foron reforzadas. Así, actividades de saúde preventiva, entregas de produtos sanitarios e de hixiene, así como acompañamentos a recursos sanitarios, alcanzaron un maior protagonismo xunto ás asistencias en trámites e xestións de forma virtual, incrementadas por parte de Cruz Vermella desde as súas propias oficinas.

 

Só en 2021, e no marco do convenio coa Consellería de Política Social, os equipos de Cruz Vermella nas provincias da Coruña, Lugo, Ourense e Pontevedra atenderon a un total de 1.135 persoas en situación de vulnerabilidade extrema, entre as que se atopaban 240 mulleres.

 

No marco do convenio autonómico, realizáronse 12.550 intervencións e 328 sesións de capacitación co obxectivo de facilitar a inclusión das persoas atendidas e 1270 entregas económicas e de bens para axudas de primeira necesidade.

 

Share on linkedin
Share on twitter
Share on facebook
Share on whatsapp
Share on email